Ofisi ya Waziri Mkuu – Tawala za Mikoa na Serikali za Mitaa (OWM–TAMISEMI) imetangaza fursa mpya za ajira ya kujitolea kwa walimu 1,500 wa shule za sekondari nchini Tanzania kwa mwaka 2026.
Mpango huu unatekelezwa kupitia mradi wa Global Partnership for Education Teacher Support Programme (GPE-TSP). GPE ni ushirikiano wa kimataifa unaolenga kuimarisha mifumo ya elimu katika nchi zinazoendelea, na nchini Tanzania, mradi huu unasaidia kupunguza uhaba wa walimu kupitia mfumo wa Secondary Teacher Allocation Protocol (S-TAP).
Maelezo ya Nafasi za Kujitolea 2026
Nafasi hizi zinalenga zaidi walimu wa masomo ya Sayansi, Teknolojia, Uhandisi na Hisabati (STEM), pamoja na masomo ya Amali na Biashara. Mgawanyo wa nafasi hizo ni kama ifuatavyo:
- Fizikia (Physics): Nafasi 504
- Hisabati (Mathematics): Nafasi 418
- Biolojia (Biology): Nafasi 332
- Kemia (Chemistry): Nafasi 246
Sifa za Mwombaji
Ili uweze kufikiriwa kwa nafasi hizi, unapaswa kuwa na sifa zifuatazo:
- Kuwa raia wa Tanzania mwenye kitambulisho cha Taifa (NIDA).
- Umri usiozidi miaka 43.
- Uwe na Shahada ya Elimu, Shahada ya Ualimu, au Stashahada ya Ualimu katika somo husika kutoka vyuo vinavyotambulika.
- Usiwe mwajiriwa wa Serikali au taasisi nyingine kwa sasa.
- Uwe tayari kufanya kazi katika maeneo yenye uhitaji mkubwa wa walimu.
Majukumu ya Kazi
Walimu watakaofanikiwa watakuwa na majukumu mbalimbali ikiwemo:
- Kuandaa maandalio ya masomo (Lesson Plans) na nukuu za masomo.
- Kufundisha, kufanya tathmini na kutunza kumbukumbu za maendeleo ya wanafunzi.
- Kutoa ushauri wa kitaaluma na malezi kwa wanafunzi.
- Kusimamia mali na vifaa vya shule.
Jinsi ya Kutuma Maombi
Maombi yote yanatumwa kwa njia ya kielektroniki kupitia mfumo wa ajira wa TAMISEMI. Hakikisha unaambatanisha nakala za vyeti vya kuzaliwa, vyeti vya taaluma, na namba ya NIDA.
Tovuti ya Maombi: ajira.tamisemi.go.tz
Mwisho wa Maombi: Tarehe 28 Januari, 2026, saa 05:59 usiku.
Mawasiliano na Maelezo Zaidi
Kwa msaada zaidi, unaweza kuwasiliana na kituo cha huduma kwa wateja cha TAMISEMI kupitia simu namba 026 2160210 au 0735 160210. Pia, unaweza kupakua tangazo kamili la PDF hapa.